Skip to main content
As Pontes

Convocan un obradoiro para familias no Amigus Labs das Pontes

Por 16 Outubro, 2022Novembro 8th, 2022Sin comentarios

O colectivo Amigus Labs organiza nas Pontes un novo obradoiro, nesta ocasións sobre Escornabot para familias, que se impartirá o 23 de outubro, domingo, de 11.00 a 13.00 horas na sede do colectivo, situada na praza do Hospital.

O Escornabot é un robot educativo de software e hardware libre.

Neste obradoiro aprenderán a montar un Escornabot en familia. Aprenderán que é o software e o hardware libre, cómo funciona o Escornabot, algunhas nocións básicas de electricidade e electrónica e o máis importante… cómo usar o novo amigo robótico.

Non é necesario traer nada de casa, xa que os organziadores aportarán todo o necesario para montar o Escornabot. Aínda así pode levarse o ordenador portátil para programalo.

Cada praza no obradoiro é para dúas ou tres persoas (obligatorio adulto e un ou dous menores). Idade recomendada dos nenos é de 6 a 12 anos.

O curso é gratuíto pero require inscrición previa, que ten que facerse en amiguslabs.org.