A Axencia Galega da Calidade Alimentaria, dependente da Consellería do Medio Rural, ten previsto celebrar dous novos cursos nos concellos das Pontes e de Becerreá, esta ocasión trátase dunha acción formativa de análise sobre a calidade do mel en laboratorio.
A formación impartirase de maneira presencial na Casa do Mel de Goente en horario de 16,30 a 21,30 horas os vindeiros días 29 e 30 de outubro e no Centro de Formación e Experimentación Agraria de Becerreá hoxe e mañá, días 27 e 28 de outubro.
O obxectivo destes talleres é fomentar a competitividade e a eficiencia dos recursos apícolas contribuíndo, ao mesmo tempo, á sustentabilidade da economía rural, á consecución da competitividade, á integración sectorial, á innovación, á orientación ao mercado e ao fomento da iniciativa empresarial. A formación estará a cargo de Mercedes Fra.
A inscrición pode facerse a través destas ligazón https://ovmediorural.xunta.gal/gl/consultas-publicas/accions-formativas
