Hoxe sábado 26 de novembro O Vello Cárcer acolle ás 18:00 horas un encontro con Mujeres Creando da man da ONGD Solidariedade Internacional. Tres representantes do colectivo darán a coñecer o seu traballo recoñecido mundialmente pola súa trascendencia na loita contra as distintas violencias machistas que enfrontan as mulleres (sexual, laboral, económica…).
Mujeres Creando é un espazo autoxesionario, de resistencia a través da arte, de sostemento das mulleres superviventes de violencia machista e de denuncia dos abusos de poder.
As casas La Virgen de los Deseos ou Los Deseos de la Virgen (en La Paz e Santa Cruz respectivamente), Radio Deseo FM, o servizo Mujeres en Busca de Justicia ou a Axencia de Emprego forman parte do universo Mujeres Creando, un grupo de mulleres que apostan por unha práctica feminista baseada no traballo intelectual, manual e creativo dende o colectivo e a política concreta.
Solidariedade Internacional de Galicia traballa na actualidade en proxectos de Cooperación Internacional en Bolivia apoiando a labor do colectivo Mujeres Creando.
