Este sábado 19 de novembro terá lugar no Polifuncional do Campo da Feira da Pobra de San Xiao a representación da obra de teatro Ler ou non ler, da man da compañía Argalleiras.
Esta representación que terá lugar ás 12.00 horas, enmárcase dentro do Circuíto de Teatro Afeccionado 2022 e é un conto teatralizado que fará as delicias de tódolos asistentes.
A obra Ler ou non ler ten unha duración dunha hora e foi creada por Francisca Abeledo, que é tamén a súa directora.
Sinopse
Tres extravagantes e simpáticas mulleres adícanse a pasear cos seus carriños cheos de libros polos parques e xardíns das vilas. Mostran un amor especial polos libros e a lectura, por ler e por contar historias. Así é como tratan de contaxiar a súa paixón a todas aquelas persoas que se achegan a escoitalas.
