Vén de presentarse en Sarria a exposición itinerante Inmarcesibles que se poderá visitar na Oficina Municipal de Turismo (Antiga Prisión Preventiva) ata o 20 de novembro en horario de 09.15 a 14.00 horas.
Da man da fotógrafa María Fernández, Inmarcesibles nos invita a reflexionar sobre a exclusión invisible que experimenta o sexo feminino cando falamos do seu físico.
É unha exposición que reflexiona acerca da exclusión que experimenta o corpo da muller porque nos ensinan que debe ser o máis parecido posible ó canon de beleza establecido, loitando para conseguir encaixar neses parámetros e rexeitándoo se non se logra.
Dita ensinanza é invisible porque non se transmite de forma directa senón que é silenciosa e sutil, maquillándose baixo a premisa de que a muller debe ser libre e ha de estar preocupada por unha axeitada saúde física e mental.
Para conseguir este obxectivo, Inmarcesibles conta coa participación libre de diversas mulleres que quixeron mostrarse tal e como son, defendendo todo tipo de corpos femininos e reivindicando a súa aceptación.
Impulsada dende Servizos Sociais do Concello de Sober co financiamento do Ministerio de Igualdade, este foi un proxecto elaborado por medio do Pacto de Estado contra a Violencia de Xénero, polo que se pretende realzar a auténtica beleza, mostrando o sexo feminino tal e como é e non como pretenden que sexa.
