O concello da Pastoriza, con fondos FCA2022, executou obras por un importe de 41.437,52 euros na mellora da rede de abastecemento de auga potable.
A finalidade das obras consistiu na mellora de determinados depósitos da rede de abastecemento de auga potable municipal.
A actuación consistiu basicamente na subministración e instalación nestes depósitos de equipos de cloración mediante a instalación de bombas e contadores de fluxo que regulan a achega de cloro en función do consumo; a instalación dun sistema de xestión mediante a implantación de autómatas con sensores de presión para o control de mantementos do nivel de auga asociados ao sistema de control do que xa dispón o concello.
A necesidade desta actuación estímouse de crucial importancia dado que coa implantación destes sistemas (xa instalados noutros depósitos con moi bo resultado) permítese controlar dun modo máis eficaz, máis concreto e fiable o cotexo do caudal nos depósitos e unha cloración adecuada en función do consumo.
Este labor ten á súa vez un aforro enerxético do servizo e a posibilidade de poder xestionar dun modo programado a capacidade de almacenamento de auga acomodada ás necesidades solicitadas polos abonados o que implica unha mellora substancial do servizo co engadido dun máis que posible aforro no mesmo.
