Dentro do plan de recuperación da feira da Reigosa todos os últimos sábados de mes, a asociación organizadora convocou para este día 26 unha andaina polos diferentes barrios de Reigosa coa fin de promocionar a nosa contorna máis próxima desta parroquia pastoricense.
A saída será do centro sociocultural, ás 10.00 horas, e ten unha duración aproximada de dúas horas con dificultade baixa.
Ao rematar haberá uns pinchos de balde para todas as persoas que participen nesta actividade.
TEATRO
E pola noite, a localidade acolle este mesmo día, ás 21.00 horas, unha representación teatral a cargo do grupo de teatro do Hula.
A obra a representar será Asasinato na tenda de roupa, e se atopa dentro da programación posta en marcha pola Deputación Provincial de apoio ao teatro afeccionado.
A representación terá lugar no local social da localidade, edificio Mariña Folgueira.
