Skip to main content
Cervo

Entregados os premios do concurso de postais de Nadal e do Día do Libro de Cervo

Por 20 Decembro, 2022Decembro 21st, 2022Sin comentarios

O Concello de Cervo fixo entrega dos premios aos gañadores do XXII Concurso de Postais de Nadal e o Concurso do Día do Libro este sábado 17 de decembro, no Mercado de Nadal que se celebrou na Praza do Souto, en Cervo.

O rexedor, Alfonso Villares, e a concelleira de Cultura, Dolores García Caramés, fixeron entrega dun pequeno agasallo a cada un dos participantes, e dos premios aos gañadores nas diferentes categorías.

No XXII Concurso de Postais de Nadal resultaron gañadores Gael Pita, na categoría de 3-5 anos, Martina López, na categoría de 6-9 anos, e Claudia López, na categoría de 10-12 anos. Ademais, a postal realizada por Iria Baltar resultou a elixida para as felicitacións institucionais.

Neste acto tamén se levou a cabo a entrega de premios aos gañadores do Concurso do Día do Libro. Segundo o veredicto do xurado, na categoría infantil resultaron gañadores Jesús López, en primeiro lugar, Óscar López no segundo e, en terceiro lugar, deuse un empate entre Helena e Samuel. Na categoría primaria a gañadora foi Iria Baltar.

Por último, o primeiro premio da categoría de adultos foi para Tomás Mariño, o segundo premio para Bego López e o terceiro premio para Antonio López.

Dende o Concello de Cervo felicitamos a todos os gañadores/as e agradecemos a súa participación nos diferentes certames cos que pretendemos fomentar a arte e a cultura.

A pirmeira imaxe é a de Gael Pita de 3 anos, a segunda é de Martina López de 6 anos, e o trineo de Papá Noel é de Claudia López de 11 anos. A postal escollida para a felicitación institucional é a dos camellos de Iria Baltar.