A compañía Os Trocos leva ao salón de actos do centro cívico de Xove a obra A Croa dos Chairos. Será este sábado, 3 de decembro, ás 20.00 horas.
A Croa dos Chairos é unha comedia sobre a historia do pobo Chairo que habita na Croa de Viladonga. Segundo relata a sinopse da obra, é o ano 34 e os Chairos viven á marxe da expansión do cristianismo e dos cambios que acontecen por toda Europa, mesmo en lugares tan pretos deles como é a cidade de Lucus Augusti… O enfrontamento entre pobos e culturas é inevitable.
