O Concello de Castroverde organiza para o día cinco a Cabalgata de Reis.
O percorrido dos Reis Magos dará comezo ás 16.00 dende o recinto feiral e con parada na igrexa parroquial.
A asociación Zuncurrundullo será a encargada de recibilos cun concerto de panxoliñas.
Ás 17.00 continuarán o percorrido dende a igrexa ata o pavillón municipal onde terá lugar a entrega de agasallos a todos os nenos e nenas.
Ademais haberá para os asistentes unha degustación de chocolate e roscón.
