Skip to main content
MonforteSamos

O mosteiro de Samos recolle a frase “Que miras, bobo?” dende hai máis de catro séculos

Por 24 Decembro, 2022Febreiro 7th, 2023Sin comentarios

O mosteiro de Samos fíxose famoso estes días por unha inscripción que decora un dos medallóns onde se xuntan a nervadura das bóvedas da construción, xa que pon nela “Que miras bobo”, unha frase que se fixo viral ao dicila Leo Messi no Mundial de Fútbol.

Esta frase, escrita no teito do claustro gótico cunha rechamante letra vermella e en maiúscula, é obra de Pedro Rodriguez, un canteiro e ‘troll’ de Monforte de Lemos.

Pedro Rodrigues foi o encargado de construír Mosteiro, tamén chamado claustro das Nereidas, e a pesar de que non hai unha historia confirmada, todo apunta que esta inxuriosa inscrición forma parte dunha broma coa que o canteiro Pedro Rodrigues quixo rirse dos mirones e curiosos durante a súa construción.

O humor do mestre canteiro sobreviviu ao paso do tempo e a inscrición xeroglífica consérvase intacta.

Mosteiro de Samos

A construción do mosteiro, con planta cadrada e pedra moi traballada, remóntase a finais do século XVI e está situado xunto ao río Sarria. Os visitantes que pasan, adoitan quedar abraiados polas súas amplas dimensións.

A pesar de que desde fóra proxecta unha imaxe de austeridade, isto contrasta cos seus claustros, construídos en pedra de granito.

O claustro gótico foi construído sobre o anterior de estilo románico, que foi destruído por un incendio para mediados do século XVI.

Na web do mosteiro fan referencia ao rechamante gravado como bo exemplo da “picaresca medieval”. As letras vermellas fan que a inscrición, escrita “en forma xeroglífica”, sexa aínda máis atractiva a ollos do lector. Esta frase humorística é atribuída a Pedro Rodrígues, un mestre canteiro monfortino que se encargou de levar a cabo as obras da reconstrución do claustro entre 1562 e 1582.

Pola súa banda, a orixe do nome é de ascendencia visigoda. Durante séculos foi coñecido como Mosteiro de Sámanos, pero co paso do tempo foi reducido a Samos, como é coñecido actualmente. Ademais, é o mosteiro habitado máis antigo de España, segundo afirman na súa páxina.