O Apalpador Guímaro fixo unha visita ao Centro de Día da Pobra do Brollón para darlles unha alegría aos máis maiores e residentes que viven estas datas con máis nostalxia e, moitas veces, soidade.
O alcalde da Pobra, Xosé Lois Maceda, xunto coa educadora familiar Mónica Carballo, acompañaron ao Apalpador, que foi recibido con moito espírito festivo, decoración de Nadal e gorros de Santa Claus incluídos.
Durante a cita, tanto o Apalpador como os seus acompañantes deseáronlle aos usuarios e usuarias e persoal do Centro unhas felices festas e entregáronlles postais de Nadal.
Por último, aproveitaron para facer entrega das botellas de agua de aluminio da campaña do 25N, para comezar o ano novo sendo máis respectuosos coa terra.
