O exconcelleiro do PP de Quiroga, José Luis Rivera, presenta a súa candidatura independente e encabezará a lista de Independentes por Quiroga (IxQ).
Rivera di que ten diferentes candidatos decididos para a súa lista que irán desvelando nos próximos meses, veciños de todas as idades e representativos da sociedade quiroguesa que entran na política local con ilusión e gañas de traballar.
O que será cabeza de lista de Independentes por Quiroga asegura que esta formación ten vocación transversal e está centrada únicamente nos intereses dos veciños de Quiroga, buscando outro xeito de facer política.
Rivera confirma a súa candidatura por esta nova formación despois de que o Partido Popular presentase a José Manuel Pol González como candidato á alcaldía de Quiroga e despois de que Julio Álvarez se reunise cos alcaldes pedáneos dos distintos núcleos do municipio nunha xuntanza anual.
José Luis Rivera abandonou a corporación popular hai dous meses, a pesar de ter traballado máis de 20 anos xunto co alcalde de Quiroga, Julio Álvarez, e creou un partido independente co que irá ás eleccións municipais de maio.
