A asociación As Minas da Pontenova organiza en colaboración do Concello unha festa de Entroido para o sábado 18 de febreiro a partir das 23.30 horas no local das sociedades.
Así, durante a xornada haberá un desfile que comezará ás 1.30 horas e a entrega de premios ás 3.00 horas. Haberá premios por categorías que serán para grupos, parellas e individuais. As charangas e comparsas non entran no concurso.
Dende a organización informaron de que a música das coreografías debe ser en formato mp3, e haberá que anotarse ese mesmo días.
Ademais hai ruta das tapas do Entroido polos bares do pobo dende as 20.00 horas nos locais bar Puente, Rony bar, O Lar de Balbina, restaurante San Briz e na casa da cultura.
