Os Reis Magos chegan a Chantada esta tarde a partir das 18.00 horas para percorrer as rúas cunha cabalgata que virá acompañada de desfile de zancudos, cabalos e xigantes luminosos.
Ás 19.00 horas as Súas Maxestades chegarán ao Auditorio Municipal onde recibirán a todos os nenos do municipio, aos que lles darán os agasallos que merecen.
Tamén cabe destacar que continúa aberta a casa dos Reis Magos da praza de Galicia e que se pode visitar como último día hoxe ata as 21.00 horas.
