O CD Lugo refórzase con dúas novas fichaxes José Luis Moreno Barroso e Aleksandar Pantic. Ambos xogadores chegaron a un acordo para a incorporación á disciplina do club amurallado para a presente tempada.
Joselu asina ata final de tempada na que será a súa terceira etapa no club. É un xogador de contrastada capacidade anotadora que conseguiu os seus mellores rexistros defendendo a zamarra lucense, chegando a proclamarse máximo goleador da categoría na tempada 16-17. Ademais do seu período estendido ao longo tres campañas no CD Lugo, Joselu presenta un importante historial no que figuran conxuntos como CD Tenerife, RCD Mallorca, Selecta CF, Real Oviedo ou Vilarreal Cf.
“Coñece perfectamente o club, para nós é como que non se foi nunca. Vén dunha situación difícil, pero temos moita confianza posta nel. Sabemos o que nos pode dar, o que pode ofrecer, e estamos moi contentos coa súa chegada” declarou o director deportivo Carlos Pita.
Por outra banda Pantic desempéñase como defensa central e lateral dereito, e chega a Lugo tras unha ampla experiencia profesional, destacando o seu amplo paso por Primeira División española en clubs como Vilarreal CF, Córdoba CF, SD Eibar, Deportivo Arabés, ou Cádiz Cf. Tamén acumula traxectoria internacional en importantes clubs como Estrela Vermella ou Dinamo de Kiev, entre outros.
