Con motivo da finalización de diferentes traballos de poda no Polígono do Ceao quedaron sinalizadas as correspondentes restricións de estacionamento nas rúas dos Artesáns e da Industria co fin de permitir os labores de conservación e mantemento do arboredo urbano que se levarán a cabo por parte desta área municipal mañá, sábado, 14 de xaneiro.
Así mesmo, o vindeiro domingo, día 15, se procederá ao corte dun carril de circulación en ambos os sentidos da Avenida Benigno Rivera entre as devanditas vías (rúa dos Artesáns e da Industria), concretamente do máis próximo á mediana onde se atopan os exemplares a podar.
O edil, Miguel Fernández, trasladou, alén, que as tarefas foron programadas durante a fin de semana para ocasionar as menores molestias posibles á cidadanía e non afectar á actividade do propio Parque Empresarial.