Os residentes do Centro de Día da Pobra do Brollón puideron desfrutar dun concerto de panxoliñas que deu o Coro da Escola municipal de música Samoeiro.
Durante a xornada na que os máis maiores e algunhas familias que os visitaron puideron desfrutar dun espectáculo musical que os fixo sentir acompañados.
Ademais, as persoas usuarias do Centro de Día entregáronlles aos componentes do coro uns colgantes a modo de agasallo que fixeron artesanalmente nos obradoiros de arteterapia, guiados pola terapeuta ocupacional e realizados con arxila e plantas recollidas no mesmo Centro de Día.