O Concello de Paradela premiou a Rocío Domínguez, Presidenta da Asociación de Mulleres de Paradela, e Rafael Fernández, Garda Civil de Portomarín, con dúas Medallas de Ouro de Paradela no Centro cultural ‘Manuel Rodríguez López’.
Ambas as dúas familias dos homenaxeados participaron deste acto, ofrecendo o seu apoio e cariño a cada un dos xa considerados heroes por atopar a dúas veciñas desaparecidas o 15 de decembro de 2021.
O alcalde do municipio, José Manuel Mato, destacou o labor dos homenaxeados pola súa colaboración e implicación na localización de dúas veciñas de Paradela (nai e filla, de 90 e 65 anos) que saíron en coche do seu domicilio e foron atopadas horas despois desorientadas á beira do río Loio.
