Skip to main content
Sarria

O alcalde de Sarria denuncia que a oposición está atrasando a aprobación dos orzamentos de 2023

Por 24 Xaneiro, 2023Sin comentarios

O Concello de Sarria non consigue aprobar os orzamentos e o alcalde, Claudio Garrido, acusa a PP, PSOE e GS de ser “irresponsables” por votar en contra da celebración da Comisión Especial de Contas para informar da proposta de orzamentos para o presente exercicio, convocada de forma extraordinaria para hoxe ás 14.00 horas.

Segundo o alcalde, que non se poida realizar esta reunión, “impedirá someter a debate no pleno ordinario do xoves día 26 de xaneiro a proposta de orzamentos do goberno local para o exercicio de 2023”.

Así, criticou que “temos unha oposición irresponsable á que non lle preocupan os veciños e que non dubida en torpedear o funcionamento do concello e da residencia con tal de sacar rendibilidade política do bloqueo que buscan”.

Segundo Garrido, os partidos políticos se escudaron “na urxencia” para retrasar o pleno dos orzamentos, o que di ser “unha desculpa burda, porque “teñen información da base dos orzamentos desde hai tempo”.

Así, dixo que adiantou que tentará convocar para o venres unha nova Comisión Especial de Contas ordinaria co obxectivo de poder celebrar un pleno extraordinario para a aprobación do orzamento ao longo da vindeira semana.

Proxecto de orzamentos para 2023

Claudio Garrido anticipou que ascende a 13,3 millóns de euros, o que supón un incremento de 1,1 millón de euros respecto ao orzamento aprobado en 2022.

Do capítulo de gastos, Claudio Garrido precisou que o orzamento inclúe unha partida de 690.952 euros para investimentos e resaltou que o incremento do capítulo para gastos de persoal é consecuencia da aprobación da Relación de Postos de Traballo (RPT), que valora por primeira vez as funcións de cada posto, e do proceso de estabilización laboral.

Claudio Garrido tamén incidiu no feito de que o retraso da aprobación do orzamento e do plantel de traballadores afecta tamén á residencia e impide a contratación do persoal necesario para cumprir coas ratios establecidas pola Xunta de Galicia.

“Na Xunta Rectora presentamos unha solución para elevar o plantel da residencia de 31 a 47 traballadoras, o que nos permitiría cumprir coa legalidade e cos criterios da Xunta de Galicia, optimizar a atención aos residentes e mellorar as condicións laborais das traballadoras”, explicou.