Comezaron xa os traballos de restauración dos frescos dos Vilares tras varios anos de demandas por parte de diferentes colectivos locais, municipais e tamén comarcais, que acadaron os seus froitos. Estas xoias pictóricas chairegas do século XVI voltarán a ser desfrutadas no seu esplendor.
Os Vilares Lareira de solos aproveitou o inicio das obras para ofrecer o seu agradecemento a” toda a xente dos Vilares, e a Viki Rivadulla (autora da imaxe reivindicativa), Antón Figueira (autor do spot), á Asociación #lareiradesoños , Sonia Engroba (historiadora museóloga) e Uxía Aguiar (autora do ante proxector e proxecto). Sen todos eles non sería posible”.
Unha demanda que chegou ao Parlamento Galego e que mesmo motivou entrevistas con outras institucións como o Concello de Guitiriz, a Deputación de Lugo e o arzobispado, conferEncias na UFC, carteis, dípticos, paineis na igrexa, un spot, unha iniciativa poética e mesmo a inclusión das pinturas na “lista roja” de patrimonio do Estado.
Nos próximos meses poderase desfrutar novamente dunhas pinturas únicas da autoría dos mestres de Parga e Nogueira que no século XVI crearon estas obras na nave central da igrexa con motivos paisaxísticos, a lamentación do Cristo Morto, o enterro do Conde Orgaz ou a imposición da Casillas de San Ildefonso (única desa temática en Galicia), todas elas de grande calidade artística de estilo gótico hispano flamenco.
Con está restauración, a igrexa de San Vicente dos Vilares será un reclamo para a visita aos Vilares, que coa recuperación dos cobertizos da Feira do Sete e a futura Casa da Xente de Xermolos onde naceu Díaz Castro, farán dos Vilares un exemplo de aposta por unha nova vida para unha parroquia do rural chairego.
