Foron entregados os diplomas aos participantes no curso de informática de adultos, que se levou a cabo no Centro Xuvenil de Xove dende o 3 de novembro do 2022 ata o 2 de febreiro do 2023.
Este curso estaba destinado a persoas de idades comprendidas entre 50 e 85 anos e nel perfeccionouse e impartíronse os temas sobre sistema operativo básico, Openoffice, internet, Google Maps, integración ordenador e móbil, servizos na nube, correo electrónico e seguridade informática.
A Concelleira de Xuventude, Cristina Iglesias Guerreiro, foi a encargada de entregarlles estes diplomas acreditativos aos participantes.
