O Concello de Carballedo organiza o seu Entroido deste ano o vindeiro domingo 19 de febreiro a partir das 18.00 horas no pavillón municipal.
Alí, terá lugar o concurso e desfile de disfraces, ao que os interesados en participar poderán facelo nas oficinas do Concello ou a través do teléfono 982 466 201 antes do día 17 de febreiro ou o propio día do concurso, pero no pavillón municipal, entre as 16.30 e as 17.30 horas.
Así, haberá tres categorías nas que se pode participar: individual infantil e xuvenil, individual adulta e de comparsas de 3 ou máis integrantes de todas as idades.
Ademais do desfile, o Entroido de Carballedo contará con animación, hinchables, maquillaxe de Entroido, globoflexia e chocolate con churros para todas as persoas.
