Un percorrido para coñecer elementos hidráulicos dos ferreiros no que foi un auténtico complexo industrial ata os anos 60.
Esta é unha fermosa ruta que transcorre polo conxunto etnográfico de Ferreiravella os expertos recomendan que para realizar este percorrido en todo o seu esplendor a mellor época do ano é o outono xa que coas choivas o leito do río estará cheo e será moito máis vistoso, aínda que se pode realizar en calquera tempada.
Esta ruta localizase entre As Rodrigas, capital do Concello e O Mazo da Fraga situado no lugar de O Mazo.
Un mazo é un mecanismo que se sitúa xunto aos ríos e servía basicamente para traballar o ferro nas forxas. En diferentes recunchos de Galicia como A Terra Chá, pero tamén de Asturias, como Vegadeo, Taramundi ou a comarca dos Oscos, pódense ver mazos.
O percorrido desta ruta de 3 ou 4 horas dependendo do ritmo, levará aos camiñantes ao longo do regato de Ferreiravella, o borde do que aínda se poden visualizar restos de elementos hidráulicos en funcionamento. O río foi un verdadeiro complexo industrial ao servizo dos ferreiros polo menos ata a década dos 60, cando a electricidade chegou á comarca. Algunhas das construcións que se poden atopar os viandantes teñen a súa orixe no ano 1691.
O longo da ruta atópanse varios paneis informativos que explican a historia de algúns enxeños hidráulicos que existiron ao longo do río. A ruta discorre entre bosques de especies autóctonas como castiñeiros, bidueiros e carballos que achegarán aos sendeiristas a ver de primeira man muíños e forxas como a de Chairas F.F., a de Barral J.D. ou a de M. Pol Pol.
Por outra banda, tamén se pode desfrutar dun bo día e un petisco na área recreativa de Ferreiravella pois conta cun merendeiro con mesas e unha zona de grelladas, así como un pequeno parque infantil.
Así mesmo, na primavera e sempre coincidindo en abril celébrase a Feira de Artesanía do Ferro de Riotorto, unha exaltación desde material e dos seus traballadores que conta cunha exposición de artesáns, obradoiros para ensinar este oficio, mostras de produtos do campo e actuacións musicais.
