O Centro Cultural e Recreativo de Vilalba volverá celebrar a fin de semana as festas de Entroido, que darán comezo o venres 17, ás 22.30 horas co sorteo da tradicional cesta de produtos de Entroido para os socios e socias, sesión na que haberá filloas con cacheira e orellas.
O sábado 18 terá lugar a festa infantil con música, xogos, música, globoflexia e merenda a partir das 17.30 horas. Será unha gran celebración para os pequenos, que contarán con monitores para o coidado e realización de actividades.
Pola noite será a quenda dos adultos, co baile, amenizado polo dúo Venus e con agasallos para os disfraces máis orixinais.
O aforo estará restrinxido ás medidas sanitarias actuais.
