O próximo 6 de abril, Xoves Santo, a partir das 19.00 horas nos locais de hostalaría de Xove poderase degustar o polbo preparado en varias especialidades: á feira, en empanada, ao alliño, á brasa, en vinagreta, con queixo de San Simón, á mariñeira, con mollo de allo, en pizza, ou revolcón.
A ración ronda os 14 euros aínda que hai especialidades que poderán custar menos ou máis desta cantidade. Ademais contarase coa participación do grupo de Gaitas da AC Saiñas de Xove.
