A biblioteca municipal de Alfoz vén de informar que conta cun novo horario. Este será de luns a xoves, desde as 16.00 ata as 20.00 horas.
A biblioteca estará aberta para todos os usuarios e usuarias que desexen utilizar os seus servizos como son o préstamo de libros e revistas, altas de novos socios/as, uso de ordenadores, tablets e libros electrónicos, zona de lectura e estudo, zona infantil, rede wifi, etc.
Ademais o fondo bibliográfico increméntase continuamente con obras de todos os xéneros a través de axudas doutras administracións e fondos propios, por exemplo, coas lecturas obrigatorias dos distintos IES da Mariña onde estudan os rapaces e rapazas de Alfoz.
Tamén conta cun servizo de dinamización continua coma a Bibliopiscina que durante xullo e agosto permite disfrutar da lectura na Piscina Municipal ou as Mochilas Viaxeiras que fomentan a lectura entre os maiores do Programa de Envellecemento Activo Activamente.
O club de lectura que conta actualmente con 17 integrantes e que é unha das actividades máis dinámicas da biblioteca e conta con visitas de autores e presentacións de libros.
Por outra banda numerosos obradoiros dirixidos aos máis pequenos ao longo de todo o ano así como un blogue propio ao que se pode acceder desde a páxina web do Cconcello, concursos coma o de Postais de Nadal ou de debuxo e narrativa das Letras Galegas.
