A comunidade de montes veciñais en man común Real, Rañadoiro e Agudo de Cangas de Foz son os oganizadores do Riosmar Fest, que se celebrará no campo de fútbol de Cangas. Maite López Rego é a nova presidenta da comunidade de montes.
Este evento será o vindeiro venres 10 de marzo e contará coa presentación oficial para a Mariña do novo espectáculo de Paris de Noia, seguido do Macro Disco Level cos Djs Litainer e Marcos Peón. O recinto contará con servizo de barra e hamburguesería.
As entradas xa poden adquirirse a través da web a 10 euros e tamén estarán dispoñibles o propio día do festival a 12 euros. Ademais, a organización porá a venda anticipada en locais de Cangas e noutros puntos da comarca.
