A Casa do Saber acolle o vindeiro 15 de marzo ás 20.30 o peche do Lubicán Íntimo da man de Santi Araújo.
Santi Araújo é deses artistas que non forzan os tempos, compón cando sente e escribe cancións para expresar o seu delicado mundo interior.
Digamos que esta foi o seu aceno de identidade ata a data: obras que deixan un pouso especial, que calan profundamente no oínte.
Se con Catedral xa deixou claro que a sofisticación é o seu selo, con Solta Ø Morde elévao a unha nova categoría. A voz de Araújo baila ao ritmo de psicodelia e de boleros xunto á de Leonor Watling e á de Anni B Sweet.
Lanzado o 22-2-22, este disco explora a dualidade desde a súa dobre portada, desde os seus cambios de ritmo ou desde os sentimentos atopados nas letras. Todos os discos están pintados a man e inclúen un póster/fanzine e o CD.
A edición en vinilo inclúe tamén versións exclusivas de dúas cancións, que non se poderán escoitar en CD ou dixital.
