Vilarchá de Mera celebra as súas festas na honra a San Xosé os vindeiros sábado 18 e domingo 19 de marzo.
O sábado as celebracións darán comezo ás 13.30 cunha misa solemne para continuar cunha sesión vermú a cargo das orquestras La Favorita e Solara.
A verbena da noite estará amenizada tamén por estas dúas orquestras que serán as encargadas de encher de música o campo da festa.
O domingo 19 a misa solemne terá lugar tamén ás 13.30 e a continuación unha sesión vermú co dúo Estrellas.
Dende a organización recordan que o campo da festa estará cuberto con carpa.
