Lois Diéguez presentará a súa última novela ‘As voces amadas’ o vindeiro mércores, 29 de marzo, ás 20.00 horas.
O Centro do Viño de Monforte acollerá a presentación do escritor monfortino, que trata sobre as relacións entre as persoas e as máquinas e do xeito en que internet, as redes sociais e a intelixencia artificial afectan ás nosas vidas.
A Librería Agrasar é a encargada de organizar o evento e o autor estará acompañado pola escritora Olga Novo, a actriz María Barcala e o director de teatro Xulio Lago.
