O Concello de Carballedo ofrecerá o vindeiro 30 de marzo unha charla informativa sobre os coidados básicos do pé. Esta cita será a partir das 13.00 horas no salón de actos do Concello.
Para poder acceder a esta charla unicamente é necesario achegarse ata o Concello. Este servizo ten como obxectivo achegar á veciñanza os coñecementos podolóxicos básicos de cara a favorecer o seu benestar integral.
