A exposición de slot de Julio Páramo, que leva vixente máis de dous meses no MIHL e que seguirá aberta para o público ata o vindeiro 9 de abril, segue reunindo a interesados, aficionados e público en xeral.
Hoxe, mércores 29 de marzo, terá lugar no museo un evento para presentar, de novo, o proxecto, aberto a todos os públicos e no que Julio Páramo contará en que consiste a idea.
Esta exposición piloto do que será no futuro o Museo Paixón Slot que Páramo quere poñer en marcha en Sarria estará dispoñible todos os días.
Os días 29, 30 e 31 de marzo, de 10.00 a 13.00 horas e de 16.00 a 19.30 horas; e desde o 1 de abril ata o 9, o público poderá visitar esta exposición desde as 10.00 ata as 14.00 horas e de 16.30 ata as 20.30 horas.
