O pasado 11 de marzo o Club de Baloncesto de Sarria tivo a presentación oficial da tempada 22-23, á que acudiu moita xente, que gozou con dous partidos previos ao acto, que supuxo o broche final.
Así, neste acto final presentáronse catorce equipos en competición federada e dez na liga Babybasket. Tamén se presentaron catro equipos premini, dous femininos (Fisioterapia Ivonne Castro e Cemento Cosmos) e dous masculinos (Corbar Maquinaria e M. Teresa Martínez Dental).
Por outra parte, en categoría alevín, presentouse un equipo feminino, Autovalfer, e outro masculino, Oribio Construcións.
De preinfantil feminino estivo presente Casa Barbadelo e infantil masculino Cemento Cosmos.
En Cadete feminino, apareceu Saneamentos Sarria e en masculino Oral Design.
En categoría junior feminina, os equipos que acudiron foron Castro Agrasar e en masculino MGR.
Xa en sénior feminino, o CB Sarria conta coa Florería Madeira e no masculino a MGR.
Con respecto aos colexios, hai dez equipos que forman parte dos centros educativos Frei Luís de Granada, A Asunción, La Merced, do Oural, do Incio e Escola Infantil Xela Arias.
Como éxito, cabe destacar que dos catorce equipos federados, catro están en Liga Galega.
En total, 272 nenas e nenos que gozan do baloncesto e reforzan o traballo que realizan desde as categorías base de once adestradores e cinco monitores.
