Remataron as obras de asfaltado do Oural, en Sarria, que visitou o alcalde, Claudio Garrido.
En concreto, o goberno local mellorou o asfaltado das rúas Barreiros, Cantalarrana e Sol, ás que se destinaron 55.000 euros dentro dun paquete global de proxectos de mellora da rede viaria municipal no que o Concello de Sarria está a investir máis dun millón de euros.
Entre as melloras programadas figuran as das pistas de acceso Barbadelo-A Serra, Cedrón-Piñeira, Perruscallo (Belante) e A Vilerma (Maside).
Tamén se acometerá a mellora de oito accesos a núcleos: Santo Estevo de Requeixo, Frades, Lousadela, Sisto e Domiz (Meixente), San Martiño de Rente (Barbadelo), Corvelle e Aguiada-Castro dos Petos (San Mamede do Camiño).
E outros 11 viais entrarán nun proxecto de rexeneración de pistas en Santa Marta de Ortoá, Lier-Pintín, Rosende-Arxevide, Abuín-Vilanova, San Saturniño, Vilaesteba, A Esperanza (Oural), O Real (San Fiz de Reimóndez), Vilarrairo, Seteventos-Toldaos e Betote.
