O Concello de Outeiro de Rei organiza para o domingo 26 de marzo unha andaina solidaria contra o cancro con saída ás 11:00 horas do pavillón municipal dos deportes.
Trátase dunha actividade para toda a poboación, co obxectivo de concienciar á sociedade sobre a importancia de facer exercicio físico para previr o cancro e gañar en saúde.
O recorrido será de 7,5 km camiñando pola Senda Outeiro de Rei- Guillar; o regreso dende Guillar farase en autobús.
Unha vez rematada a andaina haberá un aperitivo saudable no Pavillón Municipal.
O recadado pola venda de camisetas que se porán ese día a venda será a beneficio da Asociación Española Contra o Cancro en Lugo.
Os interesados poden anotarse na Casa da Cultura de Outeiro de Rei ou chamando ao 982 393 408.
