A biblioteca de Xermade cambia o seu horario desde hoxe, 1 de marzo, para ter aberto pola mañá e pola tarde.
O horario a partir de agora será de 11.00 a 14.00 horas e de 15.00 a 18.00, aproveitando a incorporación dun novo traballador ao centro.
Así mesmo, a bilioteca contará cunha sesión de contacontos aproveitando a celebración do Día Internacional da Muller o 8 de marzo.
Trátase do contacontos A carteira de Augasclaras, relatado por Carmen Domech de Títeres Brincadeira. Será o 9 de marzo ás 18.00 horas dirixido espacialmente a pequenos de entre 4 e 11 anos.
A entrada será libre ata completar aforo.
