Un Julio Delgado moi orgulloso do seu equipo, valora o encontro como “un partido moi serio” no que “fixeron maxia”.
O partido comezou moi igualado ata que un bo pase de Peque a Patricia fixo que as laranxas abriran o marcador no minuto 6. Este gol serviu para tranquilizalas e forzar ocasións moi claras de gol.
Xa na segunda parte, un disparo de Antía que rebotou en Patricia, convertiuse no 2-0. No minuto 14 o Roldán meteuse no partido cun gol de Laura mediante un pase fallido desde o seu campo, e que Emilly e Jozi non puideron evitar.
O 3-1 chegou cunha parede entre Peque e Irene que a exxogadora do Alcorcón materializou con moita calidade. Máis tarde Dani fixo un gol en propia porta o que subiu o marcador do Roldán 3-2.
José Miguel Monje, presidente do Comité Nacional de Fútbol Sala, e Rafa Louzan, presidente da Federación Galega, fixeron a entrega do trofeo de campionas a Peque, capitana das burelás.
🏁 ¡Suena la bocina que indica el final del partido y ya tenemos nuevas campeonas!
3-2 | @burelafs 🆚 @RoldanFSF
📺 https://t.co/Wzksb8VnI6 y @TVGalicia#CopaDeLaReinaFutsal | #FutsalRFEF pic.twitter.com/j6fUVV5elX
— Futsal RFEF (@FutSalRFEF) April 30, 2023
