Monforte de Lemos acolle este domingo, 16 de abril, a primeira actividade do programa ‘Actívate’ da Deputación de Lugo, unha actividade gratuíta de paddle surf e kaiak de río que terá lugar nos Canóns do Sil.
A partir das 11.00 horas e cunha duración aproximada de dúas horas e media, a iniciativa busca promover o turismo activo, deportivo e de aventura cunha dificultade baixa-media e destinada a persoas a partir de 7 anos, de condición física mínima e que saiban nadar.
Un dos obxectivos que se pretende coa mesma é dar a coñecer o entorno dos Canóns do Sil, unha paisaxe natural e humanizada extremadamente valiosa. As recomendacións que se fan para o correcto desenrolo do exercicio, é levar calzado e roupa cómoda, protección solar e chubasqueiro no caso de choiva, así como levar unha botella de auga.
A última indicación dos monitores da actividade é prestar atención en todo momento aos guías especializados, xa que ao desenvolverse no medio natural, é preciso garantir unha seguridade básica.
