As festas de San Xoán de Sarria contarán con diversos grupos musicais que actuarán durante cinco días, nos que os cidadáns poderán desfrutar de actividades polo San Xoán.
Así, o 23 de xuño Chárleston Big Band e Os Parentes actuarán na rúa Castelao de Sarria.
O día 24, terá lugar o concerto das orquestras New York e Marbella e o día 25 será París de Noia e a Olympus as que pecharán o fin de semana festivo.
Porén, a festa non rematará aquí, xa que o día 26, luns, Panama Band e a Panorama darán un concerto chego de música que rematará coa actuación de Os Satélites o día 27.
Cabe destacar que Sarria contará para as súas festas de San Xoán con Abraham Cupeiro, o instrumentalista sarriao, que dará o pregón das festas.
