Skip to main content
Láncara

Adif prolongará a variante da Pobra de San Xiao en máis dun quilómetro e medio

Por 28 Abril, 2023Sin comentarios

Adif investirá 21,6 millóns de euros á prolongación da variante da Pobra de San Xiao, Láncara, dentro das obras de mellora e modernización do corredor ferroviario Ourense-Monforte de Lemos-Lugo.

Esta variante, de 7,2 quilómetros no tramo Monforte de Lemos-Lugo da liña León-A Coruña, é unha solución en explotación desde 2018 que contribúe a incrementar a seguridade e a permeabilidade da liña, ao suprimir 14 pasos a nivel do anterior trazado, e reducir os tempos de viaxe do percorrido.

A actuación que acometerá Adif prolongará máis de 1,6 km a variante cara ao leste, polos termos municipais de Láncara e Sarria, culminando o proxecto inicial de 9 km que fora segregado en dúas actuacións.

A variante forma parte do trazado proxectado para conectar a cidade de Lugo coa alta velocidade ferroviaria e conta con dous túneles (As Cortes, de 520 m, e Torrente, de 1,4 km) e catro viadutos de entre 145,5 e 630 m de lonxitude, ademais de catro pasos inferiores e un paso superior na intersección coa estrada LU-546.

Principais actuacións

Os traballos de ampliación non afectarán á circulación ferroviaria e comprenden, entre outras, a construción de nova plataforma e a conexión coa infraestrutura existente; a montaxe de vías auxiliares para situacións provisionais e de traballo; execución e reposición de instalacións de seguridade e comunicacións; e o izado de postes de catenaria, execución e reposición da electrificación.

Así mesmo, abordarase o ripado (desprazamento lateral) de vía para a conexión coa nova plataforma entre os puntos quilométricos 1/586,6 e 1/677,8 e o desmonte de vías auxiliares e do tramo que quedará en desuso.