A Festa da Bola de Liscos e Freces de Bretoña, na súa edición número XII, terá lugar este domingo 23 de abril, no concello da Pastoriza, continuando coa recuperación da mesma realizada o ano pasado tras tres de ausencia. Está organizada pola Asociación de Amigos da Feira de Bretoña.
Trátase dunha celebración que busca ser declarada Festa de Interese Turístico de Galicia e que organiza unha remodelada Asociación de Amigos da Feira de Bretoña.
A programación dará comezo ás 11.00 horas coa apertura dos postos de artesanía e feirantes, que contará coa súa propia carpa para exposición. Unha hora máis tarde terá lugar a actuación e música itinerante da Escola de Música da Pastoriza.
A inauguración oficial da sesión, terá lugar ás 12.15 horas, a cargo do alcalde, Primitivo Iglesias. O pregón leralo Paula López, dinamizadora do CIN de Bretoña.
Os nenos da Escola de Música da Pastoriza realizarán unha actuación ás 12.45 e tamén está prevista unha sesión vermú, ás 13.30 horas, a cargo do dúo Estrellas.
A festa contará coa visita dos tractores e coches clásicos e tamén anunciaron que haberá servizo de polbería.
Esta festa, que tivo as súas orixes nos albores do 2000, celebrouse por última vez no ano 2018 na que foi a súa décima edición e a intención o ano pasado era establecer unha continuidade para solicitar esta designación galega, e todo está listo.
Na edición do ano pasado repartíronse unhas 200 bolas de liscos e de 800 racións de freces entre os asistentes a este evento que desbordaron as previsións.
A BOLA DE LISCOS
A bola de liscos é un prato da zona elaborado con masa de pan, panceta afumada, chourizo e verzas, o que se coñece como cociña con produtos de subsistencia pero cun resultado espectacular. Para os que non coñezan este produto, ten moito parecido cunha empanada gorda pero moi xugosa e sabrosa. Esto é debido aos liscos do seu interior e o sabor é pola cobertura de verza coa que se mete ao forno.
As freces son coma unhas migas, feitas de manteiga, ovo, fariña, pan e leite, aderezado con azucre ou mel, o gusto do comensal.
Na programación deste ano lémbrase que haberá música polas rúas coa Escola de Música da Pastoriza e sesión vermú a cargo do dúo Estrelas.
Non faltará a carpa onde se fará a degustación e posto de venda de polbo. Animará tamén a festa unha selección de postos de artesanía.
Pero a festa dará comezo o sábado pola tarde cunha sesión de cantos de taberna e tapeo polo bares do pobo, a partir das 22.00 horas.
