O vilalbés Kevin Cuba vén de acadar o primeiro posto no Torneo Internacional Jóvenes Promesas que se celebrou esta fin de semana na localidade alicantina de La Nucia.
Kevin, que aínda é cadete de primeiro ano, acudiu á súa primeira convocatoria coa Selección Española despois de gañar os pasados Campionatos de España na categoría de menos de 110 kg.
A próxima cita para o deportista serán os Campionatos Galegos que terán lugar en Pontevedra o próximo 6 de maio e nos que tamén loitarán máis deportistas do club.
