Todos os veciños lucenses exerceron o seu dereito ao voto nas eleccións municipais deste domingo 28 de maio.
A Pontenova contará durante catro anos máis co PSOE ao fronte do concello no que Darío Campos conseguiu a maioría absoluta con 7 concelleiros. O Partido Popular acadou 3 e o BNG 1. Así case o 65% dos votos son para os socialistas liderados por Darío Campos.
En Alfoz, 9 concelleiros están repartidos entre 3 para o PSOE, 3 o PP e 3 para VIA Alfoz. Houbo que esperar para saber que Efigenia Maseda, de VIA Alfoz, foi a elexida para gobernar.
En Barreiros, as votacións quedaron igual que nos anteriores comicios, 5 concelleiros para o BNG e o PP e 1 para o PSOE. moi igualadas entre BNG e PP a 5 concelleiros, e 1 para o PSOE. Así que haberá que esperar por probable acordo entre nacionalistas e socialistas como no 2019.
En Burela, Carmela López do PSOE leva 5 concelleiros, os mesmos que Manuel Rouco do PP. O BNG de Mario Pillado leva 2 escanos e súmase ao panorama político Son Burela con 1 escano. Así, Carmela López foi a escollida como nova alcaldesa tras un pacto co BNG.
En Cervo, os edís repartíronse da mesma maneira que nos anteriores comicios. O Partido Popular gañou de novo aos outros partidos conseguindo 7 escanos, no que tan só necesitaba 6 para a maioría absoluta; 2 logrou o PP e 2 o BNG. Así, Alfonso Villares repetirá Alcaldía.
En Foz o socialista Fran Cajoto conseguiu 7 concelleiros fronte aos 6 do Partido Popular de Jorge Castiñeira e os 4 do BNG de Francisco Fanego. Polo que o socialista volverá ter que pactar co BNG para poder gobernar. Cajoto conseguiu case o 40% dos votos focegos, Castiñeira o 35% e 25% foi para Fanego.
No concello de Lourenzá o PSOE volveu conseguir a maioría absoluta con 7 concelleiros fronte aos 2 do PP e 1 do BNG. A socialista Rocío López García repetirá como alcaldesa.
En Mondoñedo, os votos de esquerdas acadados entre PSOE e BNG non serán suficientes para xuntar forzas e arrebatarlle a Alcaldía á candidatura popular de Manuel Otero, que contará na presente lexislatura con 6 edís fronte aos 3 dos socialistas e 2 dos nacionalistas.
No Valadouro o Partido Popular leva 4 escanos, o BNG 2, o PSOE 2 e UDIVAL 1. Malia estes resultados, María José Fernández, de UDIVAL, foi elixida rexedora co apoio do PSOE e BNG.
No Vicedo, o seu alcalde actual, o popular José Jesús Novo Martínez, volverá ocupar este este cargo tras acadar un case un 55% dos votos dos veciños o que fan un total de 5 escanos, 1 menos que no 2019. Os outros catro repartense en 3 para o PSOE e 1 para o BNG.
En Ourol gañou o PSOE con 5 concelleiros e 2 do PP. Así o actual alcalde, José Luis Pajón, volverá poñerse ao fronte deste municipio malia que baixou en 3 concelleiros respecto aos comicios do 2019. O 69,14% da veciñanza decantouse polo grupo socialista fronte o 29,45% polos populares que fixeron que subira 1 escano.
En Ribadeo o PP de Daniel Vega triunfou na vila mariñá con 7 concelleiros fronte aos 5 obtidos polo BNG de Pablo Vizoso e 1 do PSOE de Marta Rey. Vega sumou 3 escanos respecto ao 2019, e o BNG e o PSOE baixaron respectivamente 2 e 1. Os populares conseguiron case un 48% dos votos da veciñanza.
En Riotorto o PP de Clemente Iglesias conseguiu a maioría absoluta con 6 concelleiros fronte aos 3 do BNG. Os nacionalistas conseguiron dous escanos máis e desaparece o PSOE riotortense.
En Trabada Mayra García Bermúdez gobernará en maioría absoluta, como nas pasadas lexislatura. O PSOE volverá liderar o concello cun total de 6 escanos, un menos que no 2019, e que suma o PP que queda con 3 escanos.
En Viveiro o Partido Popular de Mariña Gueimunde leva 7 concelleiros, 5 son para o PSOE de María Loureiro, 3 para o BNG de Mirian Bermúdez e 2 para Por Viveiro con Bernardo Fraga. Haberá que ver os posibles pactos entre PSOE e os demais grupos políticos de esquerdas.
En Xove os populares representados por Demetrio Salgueiro conseguiron 7 concelleiros polo que volverá gobernar en maioría e con comodidade fronte aos 3 do BNG que baixa un respecto ao 2019. O PSOE aparece no panorama político xovense.
No concello asturiano de Vegadeo o PSOE de César Álvarez conseguiu 5 concelleiros fronte a 4 do PP, 1 de Foro Asturias e 1 de IU-Más Páis. Haberá que esperar aos vindeiros días para ver os posibles pactos do PSOE pois necesita 6 concelleiros para a gobernar.
| Concello | Concelleiros totais | Concelleiros maioría | PSOE | PP | BNG | Por Viveiro | Partido Galego | Udival | VIA Alfoz | Son Burela | Podemos | VOX | FAC | IU-Más País |
| A Pontenova | 11 | 6 | 7 | 3 | 1 | – | – | – | – | – | – | – | – | – |
| Alfoz | 9 | 5 | 3 | 3 | – | – | – | – | 3 | – | – | – | – | – |
| Barreiros | 11 | 6 | 1 | 5 | 5 | – | – | – | – | – | – | – | – | – |
| Burela | 13 | 7 | 5 | 5 | 2 | – | – | – | – | 1 | – | – | – | – |
| Cervo | 11 | 6 | 2 | 7 | 2 | – | – | – | – | – | – | – | – | – |
| Foz | 17 | 9 | 7 | 6 | 4 | – | – | – | – | – | – | – | – | – |
| Lourenzá | 11 | 6 | 7 | 3 | 1 | – | – | – | – | – | – | – | – | – |
| Mondoñedo | 11 | 6 | 3 | 6 | 2 | – | – | – | – | – | – | – | – | – |
| O Valadouro | 9 | 5 | 2 | 4 | 2 | – | 0 | 1 | – | – | – | – | – | – |
| O Vicedo | 9 | 5 | 3 | 5 | 1 | – | – | – | – | – | – | – | – | – |
| Ourol | 7 | 4 | 5 | 2 | – | – | – | – | – | – | – | – | – | – |
| Ribadeo | 13 | 7 | 1 | 7 | 5 | – | 0 | – | – | – | – | – | – | – |
| Riotorto | 9 | 5 | 0 | 6 | 3 | – | – | – | – | – | – | – | – | – |
| Trabada | 9 | 5 | 6 | 3 | – | – | – | – | – | – | – | – | – | – |
| Vegadeo | 11 | 6 | 5 | 4 | – | – | – | – | – | – | – | – | 1 | 1 |
| Viveiro | 17 | 9 | 5 | 7 | 3 | 2 | – | – | – | – | 0 | 0 | – | – |
| Xove | 11 | 6 | 1 | 7 | 3 | – | – | – | – | – | – | – | – | – |
