O salón de plenos acolleu esta mañá a entrega dos premios aos gañadores do Concursos de Lemas e Debuxo-Pintura para a eliminación da discriminación racial do ano 2023, que foron convocados pola Concellería de Inmigración, Cooperación e Integración.
Deixa que as diferenzas nos unan, de Mª Jesús Miraz Rivera foi o gañador do IX Concurso de Lemas. Os premiados foron Shiva Eliska Alinda Nurhakim na 2ª categoría e José López Losada e Daniel Méndez Fernández na 3ª categoría.
A concelleira de Inmigración, Cooperación e Integración, Noelia Mª Ben, felicitou “aos gañadores e gañadoras e quero aproveitar para agradecerlles a todas e a todos a súa participación nestes concursos”.
