O Concello de Ribas de Sil vén de anunciar que xa “se están dando os primeiros pasos para a recuperación dun edificio emblemático para San Clodio: a rehabilitación da casa do ladrillo”, explican desde o goberno local.
As obras, segundo explican, mellorarán a oferta de ocio ao lado do Parque Infantil, dotando ao municipio dun punto de información turística e da primeira fase do Centro de Interpretación do Ferrocarril.
Ademais, grazas a este edificio, aumentarán a oferta de plazas hoteleiras, ademais de servir para dar aloxamento aos visitantes do Xeoparque que veñan dar charlas, cursos, investigacións ou facer colaboracións, “para que sigan poñendo en valor o noso territorio das Montañas do Courel”, sentenzan desde o Concello de Ribas de Sil.
