O artista Modesto Trigo Trigo estará no centro sociocultural de Sober mañá luns, 29 de maio, conversando cos asistentes no marco da actividade ‘O faladoiro dos luns’.
Así, a partir das 16.30 horas, as persoas asistentes pasarán a tarde con café e a compañía dun pintor do figurativismo realista, que naceu neste municipio da Ribeira Sacra, mais agora vive na capital, Madrid.
Entre os seus fitos máis característicos está o da súa etapa como muralista en edificios públicos e privados, como o do Concello de Tías, en Canarias. Simultaneamente pintou moitos retratos e e 1985 crea, xunto con Fernando Herrera Goñi e Andrés Martínez Leira, a Asociación Cultural Taller Arte Teguise, con sede no Palacio Espínola do Concello de Teguise.
