Carlos Gómez Rey presentará o seu proxecto musical en solitario, 3SX3S0, no Casino de Sarria o vindeiro 24 de xuño.
Esta iniciativa, promovida pola Asociación Ribela, encargada do festival Ribela Love and Nature dos vindeiros 18 e 19 de agosto; terá lugar ás 21.00 horas e a entrada será gratuíta para todos os asistentes.
Así, será como unha festa de presentación do festival para “quentar motores”, como explican desde a organización.
Carlos Gómez Rey
Ademais de promover a fiesta de electrónica Bulla Barulla xunto a Marta Gilino (Russ) e Amara García, formou parte doutras agrupacións musicais como Trifulca, xunto a Guillermo Cavero (Yuraq Walla).
No seu novo directo de electrónica combina percusións dixitais e síntese por modelado físico cunha intención minimalista e unha cadencia progresiva orientada ao baile.
