Skip to main content
O Páramo

O CEIP do Páramo acolle uns obradoiros de igualdade para o alumnado de infantil e primaria

Por 31 Maio, 2023Xuño 1st, 2023Sin comentarios

Os vindeiros días 5, 6 e 7 de xuño de 2023, están programados uns obradoiros de igualdade para todo o alumnado de infantil e primaria no Colexio Plurilingüe do Páramo.

Estes obradoiros lúdicos de igualdade traballan a través do cine e o teatro a erradicación dos estereotipos e violencia de xénero ao tempo que aportan habilidades comunicativas e interpretativas ao alumnado.

O programa lúdico de igualdade estará impartido por Pilar Porral, experta en igualdade e directora de Coeduca, consultora de coeducación.

O programa contémplase dentro das accións do Pacto de Estado contra a Violencia de Xénero, financiadas polo Ministerio de Igualdade, que o Concello leva a cabo todos os anos co obxecto de detectar e previr a violencia de xénero.