Carme López Fernández protagoniza un obradoiro de ritmos e xéneros do canto tradicional galego baixo o título de ‘Música galega. Ponlle a orella!’.
O obradoiro desenvolverase esta mañá ás 12.30 horas e estará deseñado para o alumnado dos centros educativos IES Xograr Afonso Gómez e IES Gregorio Fernández de Sarria.
Carme López é doutora en musicoloxía, investigadora, profesora da Universidade de Santiago de Compostela e da Escola de Música Folk e Tradicional de Vigo; así como gaiteira, percusionista, cantareira e ex alumna do IES Gregorio Fernández.
